Психикалық даму тежелісі дегеніміз не?
Мүмкіндігі шектеулі балаларды оқыту жағдайлары мен мәселелері.
Мемлекетіміздің бүгіні мен ертеңін өрге бастырар жас жеткіншектер екені баршамызға мәлім. Болашақтың тізгінін ұстайтын олардың оқу әрекеті мен тәрбиесінің түп тамыры бүгінгі күнмен тығыз байланысты десек, артық айтқандық емес. Қазіргі заман ағымының салдарынан пайда болып жатқан экологиялық зардаптар мен ата - ананың баласының болашағына немқұрайлы қарау және түрлі тәрбиемізге жат қылықтарға әуес болу соңғы кездері өзінің кері әсерін тигізіп қана қоймай қоғамымызда балалардың денсаулығына, соның ішінде жүйке және психикалық даму тежеулігіне әкеліп соқтыруда. Бұл білім ошағы болып табылатын – мектептерде тәртіпсіз, үлгермеуші оқушылар қатарын көбейтумен қатар, түрлі қиын балалар саны мен даму мүмкіндігі шектеулі балалар санын толықтыруда.
Ел өмірінің қай кезеңіне көз жіберсек те, балалар тағдыры кімді болса да бейтарап қалдырмай, олар жөніндегі ой қозғар өзекті мәселелерді, аталы қауым еш уақытта аттап өтпеген.
Жалпы білім беретін мектептердегі балалар санын психикалық даму тежелісі және аутизм, жүйке жүйесі бұзылған балалар саны құрайды. Бұл әрине өкінішті, және кімді болмасын алаңдатпай қоймайды.