Жамандық, жаман адам туралы мақал - мәтелдер
Жаман адам төршіл
Айыратын жаман бар,
Қосатын жаран бар.
Алты жаман бір болса бір жақсыны иеді.
Арбадан үркіп жаман ат ер салдырмас жал бітсе.
Қасына қоңсы қондырмас қас жаманға әл бітсе (Есет би).
Баласын мақтар бас жаман,
Қатынын мақтар қас жаман.
Алыстағы дұшпаннан, аңдып жүрген дос жаман (Үмбетей).
Барын ішпейтін сараң бар,
Жасырып ішетін арам бар.