Сабақтың тақырыбы: Өкпе. Тыныс алу гигиенасы ( сабақ материалына қосымша)
Мақсаты: Адам өміріндегі өкпенің қызметін түсіндіру, оқып білу, лас ауаның тыныс жолдарына әсері. Түрлі аурулардың пайда болуы.
Міндеттері: Тыныс алу гигиенасын сақтау.
Салауатты өмір салтын насихаттау
Сілтемелер
Дүниетану оқулығы, Алматы, Атамұра 2014 жыл
Дүниетану әдістемесі, Алматы, Атамұра 2014 жыл.
Оқыту нәтижелері: Тыныс алу мүшесі өкпе туралы түсінік алады. Лас ауадан болатын түрлі аурудан сақтану жолдарын анықтай алады. Тыныс алу мүшесін сақтау ережелерін біледі.
Тапсырмалар:
Иә, жоқ
Топ басшыларымен жұмыс
Ыстық орындық
Нашар оқушымен жұмыс
АКТ - мен жұмыс
Ой қозғау
Топтас. Бірік. Талқыла
Тренинг: Денім сау болсын десең ...
Кері байланыс
Мотивациялық – бағдарлау кезеңі.
Оқушылардың назарын сабаққа аудару.
Психологиялық жаттығу.
Үй тапсырмасын бекіту мақсатында
1 – жұмыс Иә, жоқ әдісі арқылы
Белсенді оқушыны анықтайды.. Оқушылар екі топқа бөлініп, жарты шеңбер жасап тұрады.
1. Ауасыз өмір сүре аламыз. (жоқ)
2. Сенің жүрегің өз жұдырығыңдай (иә)
3. Ауа тек қана далада болады. (жоқ)
4. Оттегі таза ауа. (иә)
5. Тірек, қозғалыс мүшесі – өкпе. (жоқ)
6. Ауамен тек қана адамдар демалады. (жоқ)
7. Таза ауа өкпеге кеңірдек арқылы енеді.
8. Күн сайын таза ауада серуендеу зиян.(жоқ)
9. Дені сау адам аурушаң. (Жоқ)
10. Өз денсаулығың өз қолыңда. (иә)
2 – жұмыс Үй тапсырмасын тексеру
Топ басшылары тексеру парақшасымен әр оқушының үй тапсырмасын тексеріп өтеді.
3 – жұмыс Ыстық орындық әдісі
Шарты: Оқушылар өздері дайындаған сұрақтары бойынша сұрақ қояды.
Бағалау
4 – жұмыс Топ басшыларының тексеру қорытындысын тыңдау.
5 – жұмыс Нашар оқушымен жұмыс
Темекінің зияны туралы эссесі тыңдалады, суреті қорғалады. Жұмыстар тақтаға ілінеді.
Бағалау
6 – жұмыс: АКТ - мен жұмыс
Темекінің зияны туралы видеотаспа
Жыл сайын дүние жүзінде темекі шегудің салдарынан 4 млн. адам қайтыс болады екен. Бүгінде жер шарында 1, 2 млрд. адам темекі шегетін көрінеді.
Қазақстанда қазіргі уақытта 5 миллионға жуық адам темекі шегеді екен.
Темекі тартатын адам күніне орта есеппен 200 рет, айына 6 мың рет, жылына 72 мың рет ішке түтін сорады.
Орындаушылық – операциялық кезең
Жаңа сабақ.
Тыныс алу мүшелері жайындағы білімімізді тереңдетеміз.
Ой қозғау
Сұрақ: Адам денесінде ауру қалай пайда болады?
7 – жұмыс. Топтас. Бірік. Талқыла
Ресурстар таратамын
1 - топ: Аурулардың пайда болуы
Ауаның әр түрлі зиянды заттармен былғануы, адамдар ағзасы ауруына, оның ішінде тыныс мүшелерінің ауруына әкеліп соғады.
Мысалы, түрлі түсті металлургияның кәсіпорындарының ауаға жіберетін зиянды заттары жүрек – тамыр ауруларының өсуіне, жүйкенің бұзылуына, қатерлі ісік ауруларының пайда болуына әкеледі. Қара металл мен электр қуаты кәсіпорындарының ауаға шығаратын заттары өкпе ауруларына шалдықтырады. Химия өнеркәсібінің ауаға шығаратын зиянды заттары аллергияның, пайда болуына әсер етеді.