Мұқағали Мақатаев
Шоқтығына ер батқан, қайқаңдаған,
Мен - бір бәйек жорғамын байпаңдаған...
Күлесің - ау,
Күлесің... Сайтан - бала,
Сен айт менің ойымды, айта алмаған.
Ұмтыла бер ұрынбай құзат - жарға. Мен сүрінгеи сөреден ұзап бар да,
Уат, мейлің, жанымды сызат шалғай,
Бірақ менің жырыма тұзақ салма!
Жырым менің - жалғызым, жан дауысым.
Жан дауысым!
Жоқтаған ар - намысын.
Ар - намысы тапталып қалмау үшін,
Арпалысып, әлсіреп қалғаны шын...
Ақын болсаң, алмас бол тайпалмаған!
Сен айт менің ойымды, айта алмаған.
Қарапайым жырымның дәнін ал да,
Қауызын,
Сайтан - бала,
Қайтар маған.
Мұқағали Мақатевтың өлеңдері 1
Мұқағали Мақатевтың өлеңдері 2