Қазақстан Республикасының еңбек кодексінде қызметкер өз еркімен жұмыстан шығатын жағдайда жұмыс берушіні 1 ай бұрын жұмыстан шығатындығы тypaлы ескертуі тиіс деп көрсетілген. Еңбек шартында қызметкер өз еркімен жұмыстан шығатын болса жұмыс берушіні ескертудің мерзімін заңда көрсетілген мерзімінен ұзағырақ, мысалы - 2 ай бұрын ескертуі тиіс деп көрсетуге болады ма?
Қазақстан Республикасының Еңбек кодексінің (ары қарай - Кодекс) 57 - бабына сәйкес, қызметкер жұмыс берушіге кемінде бір ай бұрын жазбаша ескерте отырып, еңбек шартын өзінің бастамасы бойынша бұзуға құқылы. Еңбек шартында жұмыс берушіні ескертудің бұдан ұзақ мерзімін көрсету еңбек заңнамасын бұзу болып табылады. Қазақстан Республикасының еңбек кодексінің 28 - бабына сәйкес, Қазақстан Республикасының Еңбек заңнамасымен салыстырғанда қызметкердің жағдайын нашарлататын еңбек шартының ережелері жарамсыз деп танылатындығын және қолданылмауы тиіс екендiгiн ескеру керек.