Дүниетану 1 сынып
Қысқа мерзімді сабақ жоспар
Сабақтың тақырыбы: Өсімдік жемістері, тұқым. Тағамға пайдаланатын көкөністер және оларды өсіру жолдары
Сабақтың мақсаты: Өткен тақырыптардағы өсімдіктер туралы алған білімдерін пысықтау, бекіту; өсімдіктің тұқымы мен жемісі туралы, көкөністер және оларды өсіру жолдары туралы мағлұмат беру; өсімдіктердің пайдасын біліп, оларды күтіп баптауға, қорғауға тәрбиелеу.
Міндеттері: 1. Өсімдіктер туралы алған білімдерін қайта жаңғырту, толықтыру. Топпен жұмыс істей білуге және шығармашылық қабілеттерін шыңдай отырып, өз ойларын толық жеткізе білуге дағдыландыру.
2. Жас ерекшеліктеріне қарай сөйлеу дағдыларын зерделеу; тапсырмалар арқылы формативті және жиынтық бағалау.
3. Өз ойларын еркін айтып, бір - бірінің пікірін тыңдау;
ұжымдасып бірлесе жұмыс істеу.
Қолданылатын модульдер: Оқушылардың жас ерекшеліктеріне сәйкес оқыту және оқу, оқыту мен оқудағы жаңа тәсілдер, сыни тұрғыдан ойлау, оқыту үшін бағалау және оқуды бағалау
Күтілетін нәтиже: 1. Өсімдіктер, оның ішінде көкөністер туралы білімдерін толықтырып, жаңа мәліметтер алды
2. Бір - бірінің жұмысын дұрыс бағалай алады, талдау жасайды. Жас ерекшеліктеріне сай ойларын ортаға салып, баяндай алады
3. Топтық жұмыста белсенділік таныта алады, ынтымақтастықта іс - әрекет жасайды
Ынтымақтастық атмосферасын бірлескен жұмыс, іс - әрекет арқылы қалыптастырамын.
Оқушылардың білімді меңгеруін ауызша жауаптары мен тұжырымдамалары арқылы анықтаймын.
Бір - бірінің пікіріне баға беріп, сын айтуға бағыттау арқылы, сыни тұрғыдан ойлауды бағалауды жүзеге асырамын.
Өзара әрекет үдерісін топтың талқылау жұмыстарына қатысу арқылы немесе сырттай бақылау арқылы қадағалаймын.
Оқушылармен бірлесіп табыс критерийлерін анықтауға тырысамын.