Сабақтың тақырыбы: Қазақстан тоталитарлық жүйенің қалыптасуы кезеңінде
Сабақтың мақсаты мен міндеттері:
Сабақтың мақсаты: 1920 - 1930жж. Қазақстанның қоғамдық – саяси өмірі, қазақ қоғамын ұжымдастыру және индустрияландыру кезеңінде тарихи оқиғалардың маңызын, сипатын ашып көрсету.
Сабақтың міндеттері:
Білімділік: білім алушыларға ХХ ғ. 20 - 30 жылдардағы әміршіл - әкімшіл жүйенің қазақ елін басқарудағы жіберілген өрескел саясатына талдау жасай отырып тарихи білімдерін толықтыру;
Дамытушылық: білім алушылардың тарихи оқиғаларды дұрыс бағалап тұжырымдай білу, тарихи деректер мен зерттеулерді өз бетінше оқу және пайдалану қабілеттерін дамыту;
Тәрбиелік: білім алушыларды елінің тарихын, рухани құндылықтарын қадірлеуге, ұлтжандылыққа және саяси саналылыққа баулу. Қазақ халқының тарихи тағдырына азаматтық құрмет сезімімен қарай білуге тәрбиелеу.
Сабақ түрі: аралас сабақ
Сабақтың типі: жаңа білімді меңгеру
Сабақтың өту әдісі: ой қозғау, сұрақ - жауап, ізденіс – зерттеу әдістері, ақпараттық коммуникативтік технология, мәселе қоя отырып оқыту технологиясының әдістері.
Сабақтың көрнекілігі: Қазақстан Республикасының саяси картасы, мультимедиялық проектер, слайдтар.
Пән аралық байланыс: дүние жүзі тарихы, саясаттану, география, экономика, статистика.
Сабақтың барысы
І. Ұйымдастыру кезеңі.
Сәлемдесу. Білім алушылардың сабаққа қатысуын тексеру. Дәрісхана тазалығына, оқушылардың сабаққа дайындығына назар аудару.
Үй тапсырмасын сұрау.
Үй тапсырмасының тақырыбы Қазақстан жаңа экономикалық саясат жылдарында
Үй тапсырмасы мына сұрақтар аясында қаралады:
1. Жаңа экономикалық саясатқа көшу
2. 1921жылға ашаршылық
3. Жаңа экономикалық саясаттың қиындықтары және қорытындылары
1 - мәселе бойынша білім алушылар жаңа экономикалық саясатқа қысқаша сипаттама жасайды. 1921ж. наурызда РК (б) Х съезінде В. И. Ленин баяндама жасап, сьездің күн тәртібінде Салғыртты заттай салықпен ауыстыру туралы мәселе қаралды. Жаңа экономикалық саясат нәтижесінде шаруа артық өнімін жарату үшін сауданы жандыруға рұқсат беру, жеке меншіктің дамуына рұқсат, жерді жалға беру, жалдамалы еңбекті пайдалану, ауыл шаруашылық, несие және тұтыну кооперациясын дамыту көтермеленді. Әскери коммунизм тұсындағы еңбек міндеткерлігі мен еңбекке жұмылдыру жойылды. Ұсақ кәсіпорындар жеке меншікке жалға берілді. Өндіруші және өңдеуші өнеркәсіптік кәсіпорындар шаруашылық есепке көшірілді. Жалпы алғанда жаңа экономикалық саясат елдің жағдайын көтеруге ықпал жасады.
Толық нұсқасын жүктеу