Сабақтың тақырыбы: Туған жерін жырлаған Ескендір Хасанғалиев
Сабақтың мақсаты:
а) Білімдік: Ескендір Хасанғалиевтің музыка саласына сіңірген еңбегі жайлы мағлұмат беру, әндерін үйрену;
ә) Тәрбиелік: музыканы тыңдай білуге және өнерді сүюге, құрметтеуге тәрбиелеу;
б) Дамытушылық: әнге қызығушылығын дамыту, музыкалық сауаттылығын арттыру.
Сабақтың типі: жаңа материалды игеру.
Сабақтың түрі: аралас сабақ.
Әдісі: баяндау, түсіндіру, зерттеу, сұрақ - жауап
Оқыту формасы: ұжымдық, жеке даралап оқыту
Көрнекілігі: плакат, видео, слайдтар, портреттер, компьютер, плакаттар
Сабақтың барысы:
І. Ұйымдастыру бөлімі.
• Сабақ мақсаты түсіндіріледі.
Үй тапсырмасы тексеріледі.
Жаңа сабақты түсіндіру.
Әндер тыңдату, Саржайлау , Атамекен , Әдемі - ау (Үзінділер ) Осы әндердің авторы кім екенін білемісіңдер?
- Ескендір Хасанғалиев. Бүгінгі біздің сабағымыз осы композиторға арналады.( Суретін көрсету) Әнші (лирикалық баритон), композитор, Қазақстан Республикасының халық артисі. 1940ж. Орал облысында туған. Құрманғазы атындағы Алматы мемлекеттік консерваториясының вокальды - хорлық факультетін Е. Виноградов пен Н. Шарипованың класы бойынша курсты, Әль-Фараби атындағы Шымкент мәдениет институтын бітірді. 1970 жылдан бастап, Қазақ радиосы мен теледидарының солисі. Е. Хасанғалиевтің орындау мәнері жоғарғы кәсіби деңгеймен ерекшеленеді. Ол Қазақстанның белгілі эстрадалық әншілері орындайтын көпшілікке жақсы танымал әндердің авторы. Хасанғалиевтің "Әдемі", "Асыл арман", "Өмірімнің жазы", "Атамекен" әндерін тек Қазақстан тыңдармандары емес, шетелдерде де ықыласпен қабылдайды. Е. Хасанғалиев шығармашылығына тақырыптың әмбебаптылығы, материалды берудің көп салалығы тән. Ол музыканы қазақ, орыс, ұйғыр, татар, неміс ақындарының сөзіне жазды.
Хасанғалиевтің "Әдемі", "Асыл арман", "Өмірімнің жазы", "Атамекен" әндерін тек Қазақстан тыңдармандары емес, шетелдерде де ықыласпен қабылдайды. Е. Хасанғалиев шығармашылығына тақырыптың әмбебаптылығы, материалды берудің көп салалығы тән. Ол музыканы қазақ, орыс, ұйғыр, татар, неміс ақындарының сөзіне жазды. қазіргі қазақ композиторларының ән - романстарын нақышына келтіре, шебер орындайды. Хасанғалиев - танымал композитор. Оның бірнеше ән жинағы жарық көрді. Хасанғалиев әндерінің тақырыбы сан алуан. Ол қазақ, орыс, татар, неміс ақындарының туған ел, еңбек, жастық шақ, махаббат тақырыбындағы өлеңдеріне көптеген ән жазды. Хасанғалиев гастрольдік сапармен Моңғолия (1975), Болгария (1982), Югославия (1968), Алжир (1969), Сирия мен Ливан (1973), Швеция және Финляндия (1970), т. б. елдерде болды. Қазақстан Комсомол сыйл. иегері(1970). ( Ескендір Хасанғалиев туралы видео көрсетемін)
Дауыс жаттығулары:
Әндерді қайталау: Ақ көгершін Ана туралы жыр
Жаңа ән: Соғыстан қайтқан солдаттар
Нота сауаты: Музыкалық диктант
Қорытындылау:
- Е. Хасанғалиев дегеніміз кім болды?
- Оның қандай патриоттық әндері бар екен?
- Біз оның қандай әндерін білеміз?
Үйге тапсырма:
Соғыстан қайтқан солдаттар жаттау