1. Оқушыларға ағза үшін шынығудың маңызы туралы әңгімелеу, түсіндіру.
2. Сөйлеу, ойлау қабілеттерін арттырып, алған білімдерін дамыту.
3. Ағзаны күн сәулесімен, ауамен шынықтыра түсуге тәрбиелеу.
Сабақтың көрнекілігі: дене шынықтыруға арналған суреттер.
Сабақ жоспары:
1. Ұйымдастыру кезеңі.
2. Үй тапсырмасын сұрақ-жауап арқылы сұрау.
3. Негізгі бөлім.
4. Сабақты бекіту.
Сабақ барысы:
I. Ұйымдастыру кезеңі.
Салауаттану денсаулықты сақтау тәсілдерін, шымыр әрі мықты болудың жолдарын оқытып үйретеді. Денсаулық адам тәнінің, жанының және рухани адамгершілігінің үйлесімділігі, оның басқа адамдармен мейірімді қарым-қатынасы.
Денсаулық табиғат заңдарына сәйкес келетін заңдылық, ал ауру – кездейсоқтық. Сондықтан ауруды емдегеннен гөрі денсаулықты сақтап, аурудың алдын алған жеңілірек.
«денсаулықтың қадірін ауырғанда білерсің» демекші, дені сау кезінде адам өзін ешқашан ауымайтындай көреді. Деніміз сау кезде ағзамызды шынықтыру өзімізге пайдалы.
II. Сұрақ – жауап.
Денсаулықтың тәуелділігі неде?
Дене тазалығына, тұрған үй жағдайына, тағам өнімдерінің құралына, қозғалыс белсенділігінің деңгейіне, киімнің маусымға сай болуына, шынығу мен сауығу шараларына, зиянды әрекеттерден аулақ болуға, көңіл-күйге және т.б. жағдайларға байланысты.
Денсаулықты сақтаудың қандай кепілі бар?
Денсаулықты сақтаудың негізгі кепілі түрлі аурулардан қорғанып, салауатты өмір салтын ұстанып, дене шынықтурумен, өзінің жақсы көретін ісімен айналысу болып табылады.
ІІІ. Негізгі бөлім.
Денсаулықтың негізгі бөліктері:
1. Дене саулығы қалыпты, ден бітімі сымбатты болып, қимыл белсенділігі жоғары, шамасы келген жұмысты істей алу қабілеті.
2. Психикалық саулық, жан дүниесі, көңіл-күйдің жақсы болуы, есте сақтау қабілеті, мінез-құлқы тепе-теңдікте болу.
3. Әлеуметтік саулық, құрбы-құрдастармен жақсы қарым-қатынаста, мұғалімдер мен ата-анасына деген дұрыс көзқарастары, зиянды әдеттерге қарсы тұра білу қабілеті, өзін жеке тұлға ретінде сезіне алуы.
Денсаулықтың негізгі белгілері:
1. Дене бітімнің жетілгендігі.
2. Огранизмнің шыныққандығы.
3. Салауатты қажеттіліктерге ынталануы.
4. Денсаулықты сақтауға бағытталған моральдық және еріктік жағдайлар.
- Енді, балалар, салауатты өмір салтының ережелеріне көңіл аударайық:
1. Ағзаға күш түсірмей бірқалыпты, аптасына3-5 рет дене шынықтырумен айналысу.
2. Артық тамақ ішпеу, ағзаға пайдалы тамақпен күніне 4-5 рет тамақтану.
3. Ой жұмысымен артық айналыспау, бос уақытта шығармашылық жұмыспен айналысу.
4. Айналадағы адамдарға жақсылық ниетте қарым-қатынас жасау, күйзеліс жағдайдың алдын алу және одан шыға білу.
5. Өз ағзаңа ыңғайлы, пайдалы шынығу түрін таңдап, күнделікті онымен айналысу.
6. Жаман, жат қылықтар мен әдеттерден аулақ болу.
IV. Сабақты бекіту.
Салауаттану пәні нені зерттейді?
Денсаулық дегеніміз не?
Денсаулықты сақтаудың жолы қандай?
Үй тапсырмасы: «Егер денің сау болсын десең – шынықтыруды баста» тақырыбына қосымша әдебиеттерді пайдаланып реферат жазу.