Баклажан – 3 бас
Бұрыш – 1 көк, 1 қызыл
Сәбіз – 1 бас
Пияз – 1 бас
Сарымсақ – 3 - 4 түйір
Ащы бұрыш - 2 - 3 бас
Бал немесе шекер – 2 ас қасық
Соя соусы – 3 - 4 ас қасық
Кориандр – 2 шай қасық
Қызыл бұрыш - 1 шай қасық
Қара бұрыш - дәміне қарай
Уксус 70 % жарты шай қасық
Сұйық май (қуыру үшін)
Бұл салатты дайындау үшін көп уақыт қажет.
Баклажанды ортасынан екіге бөлеміз де ұзынша етіп тураймыз да тұздап 8 сағатқа салқын жерге немесе тоңазытқышқа қоямыз. Қалған көкөністердің барлығын жұқалап, ұзынша етіп тураймыз. Сәбізді теркадан өткіземіз
Дайын болған баклажанды мұздай сумен жуып, суын жақсылап қаттырақ сығып аламыз. Қазанға май құйып, баклажанды дайын болғанша қуырамыз. Дайын болған баклажаннды үлкенірек ыдысқа түсіріп аламыз да, қалған майға 2 шай қасық корандр және жарты шай қасық қызыл бұрышты салып үстінен пиязды және сәбізді салып аздап қуырамыз да дайын болған соң баклажанның үстіне саламыз. Бұрышты қуырмаймыз шикі күйінде баклажанның үстіне салып дәмдеуіштердің бәрін қосып араластырамыз (2 ас қасық бал, 3 - 4 ас қасық соя соусы, аздап қара бұрыш, жарты шай қасық уксус) Ең соңынан сарымсақ пен ащы бұрышты салып араластырып 12 сағатқа тоңазытқышқа салып қою қажет. Көбірек тұрса соғұрлым салат дәмді болады.
Егер сіздің де түрлі рецептеріңіз болса бөлісе отырыңыз, пікір қалдыру жолына жазып қалдырыңыз, сайтта жарияланатын болады.