Білім беру саласы: Таным
Бөлімі: Қарапайым математикалық түсініктерді қалыптастыру
Тақырыбы: Күзгі орман
Мақсаты: Балаларды санауға жаттықтыру, геометриялық пішіндер жайлы білім деңгейін анықтау. Ғажайып саяхат арқылы балалар қиялын шыңдау. Қисынды есептер шығара отырып, баланың логикалық ойлау қабілетін дамыту, тапқырлығын арттыру. Балаларды әдептілікке, қамқорлыққа тәрбиелеу.
Әдіс – тәсілдер: Саяхат, әңгімелеу, сұрақ – жауап, ойындар
Көрнекілігі: Геометриялық пішіндер, орман көрінісі, үйшіктер, ленталар, ертегі кейіпкерлері, үнтаспа.
Шаттық шеңбері: Біз кішкентай баламыз,
Өсіп - өніп толамыз.
Күнге қарай талпынып,
Күнге қанат қағамыз.
Әлемдегі барлық адамға,
Тек жақсылық тілейміз.
- Балалар, сендер серуендегенді ұнатасыңдар ма?
- Иә, ұнатамыз.
- Онда бүгін біз орманға саяхатқа шығамыз. Мен сендерге жыл мезгілінің ерекшелігін сипаттайын, сендер қай жыл мезгілі екенін табасыңдар.
Бұлттар төніп,
Жерге төгіп,
Дымқыл тұман басады.
Шөп сарғайып,
Өңі тайып,
Дала сұры қашады.
Ойнай алмай....
Денең мұздап тоңады.
Айтыңдаршы бөбектерім,
Бұл қай кезде болады?
- Күзде болады
- Күз мезгілінің айларын атаңдаршы
- Қыркүйек, қазан, қараша.
Осы кезде ішке Қызыл телпек кіреді (музыкамен)
Қызыл телпек: Сәлеметсіңдер ме, балалар?
Тәрбиеші: Балалар, бұл кім? Қай ертегінің кейіпкері?
Балалар: Қызыл телпек
Қызыл телпек: Дұрыс айтасыңдар, мен Қызыл телпекпін. Сіздер қайда бара жатырсыздар?
Тәрбиеші: Біз орманға саяхатқа шыққалы жатырмыз.
Қызыл телпек: Міне, керемет, маған серік болатын болдыңыздар. Анашым сүйікті әжеме бәліш апарып бер деген. Орманда қасқыр бар дейді, ал мен қасқырдан қорқамын.
Тәрбиеші: Балалар, ендеше біз Қызыл телпекті әжесінің үйіне жеткізіп салайық.
Қызыл телпек: Алақай, қандай жақсы болды! Әжем де қуанып қалатын болды.
Тәрбиеші: Ендеше жолға шығайық. Орманда алдымыздан талай - талай қызықтар кездесер. Балалар, қараңдаршы, мұнда қоян жүр. Өзі сондай көңілсіз.. Қоян саған не болды?
Қоян: Бізді түлкі үйімізден қуып шықты, енді тұратын жеріміз жоқ.
Тәрбиеші: Енді не істейміз, балалар?
Балалар: Қояндарға үй салып беруіміз керек.
Тәрбиеші: Қоян мұңайма, саған балалар көмектеседі. Қане балалар, қандай пішіндермен үйді тұрғызуға болады?
Балалар: Төртбұрышты аламыз
Тәрбиеші: Ал төбесін қандай пішінмен?
Балалар: Үшбұрыш
Тәрбиеші: Терезесін қандай пішінмен жасауға болады?
Балалар: Дөңгелек, төртбұрыш
Тәрбиеші: Қандай әдемі үй пайда болды. Келе ғой қоян үйіңе кір.
Қоян: Рахмет, балалар. Сендер бізге көп көмек көрсеттіңдер.
Тәрбиеші: Қоян, Қызыл телпектің әжесінің үйін көрсетесін бе?
Қоян: Ол орманның шетінде.
Тәрбиеші: Балалар, қоян қайда мекендейді? Немен қоректенеді?
Балалар: Қоян орманда мекендейді, олар шөппен, сәбізбен қоректенеді.
Сергіту сәті: Сұр қоян
Қасқырдың ізін көреді.
Қасқыр: Қызыл телпек сұлу қыз! Қайда барасың?
Қызыл телпек: Әжеме барамын.
Қасқыр: Мен сені жібермеймін, әуелі менің тапсырмамды орында.
Қызыл телпек: Балалар, маған көмектесесіңдер ме?
Балалар: Иә, көмектесеміз
Қасқыр: Қараңдар, лентаның ұзындығы әр түрлі. Қай лента ұзын, қайсысы қысқа?
Балалар: Қызыл лента ұзын, жасыл лента қысқа.
Қасқыр: Дұрыс, жарайсыңдар. Санамақ білесіңдер ме?
Санамақ айту. Бір дегенім – бесік,
Шықтым одан өсіп.
Екі дегенім – елім,
Далам, тауым, көгім.
Үш дегенім – үміт,
Үміт артар жігіт.
Төрт дегенім – төзім,
Төзе білем өзім.
Бес дегенім – бақыт,
Бағалайтын уакыт.
Қасқыр: Жарайсыңдар, балалар, жолдарың болсын!
Тәрбиеші: Саяхатты одан әрі жалғастырайық.
Балалар ізбен жүріп апанға кезігеді.
Тәрбиеші: Біреу жылап отыр, кім екен?
Балалар: Бұл қорбаңбай аю ғой
Тәрбиеші: Не болды саған қорбаңбай аю?
Аю: Мен достарым тұрған үйшікті сындырып алдым, енді жаңа үйшік сала алмай отырмын.
Тәрбиеші: Балалар аюға көмектесейік, ол үшін мына берілген есептерді шығаруымыз керек.
1 + 2 = 3
1 + 1 = 2
3 – 2 = 1
Аю: Жарайсыңдар, балалар! Рахмет сендерге.
Дидактикалық ойын: Соқыр теке
Мақсаты: балаларға пішіндерді қолымен сипап, сезу арқылы анықтау.
Соқыр теке бақ – бақ,
Біз айтамыз тақпақ.
Мықты болсаң, қанекей,
Пішіндерді тап – тап.
Міне, балалар, әжейдің үйіне келіп қалыппыз. Әжей шығады.
Әжей: Сәлеметсіңдер ме, балалар? Қалайсың, Қызыл телпегім? Сендерді көргеніме қуаныштымын. Менің немеремді жеткізіп салғандарыңа рахмет.
Тәрбиеші: Балалар, балабақшамызға қайтайық. Сендерге саяхат ұнады ма? Не көрдіңдер?
Қандай жануарларға көмектестік?
Балалардың жауаптары.
Тәрбиеші: Сендер өте тамаша балаларсыңдар, сондықтан мен сендерге езулеріңнен күлкі кетпесін деп күлкі қуанышын сыйлаймын.