Кер кеткен еріншек
Кеусен сұрауға да ерінеді.
Еріншекке шегіншек тап болар.
Еріншекке жоқ сылтау.
Еріншек түске дейін ұйықтайды,
Кешке дейін есінейді.
Есті бір өледі,
Еріншек мың өледі.
Ертең - ертең деумен,
Еріншек өлер.
Көрінгенге жем болып
Көңілшек өлер.
Аттың сүріншегі,
Жігіттің еріншегі жаман.
Еріншекке есік пен төр -
Екі күндік жер.
Еріншектің ертеңі бітпес,
Жеңілтектің селтеңі бітпес.
Не еріншек өлер,
Не келіншек өлер.
Әлсіз адам - сүріншек,
Ақылсыз адам — еріншек.
Жабайы шөп егінді аздырар,
Еріншектік ерді аздырар.
Әлсіз адам сүріншек,
Ақылсыз адам еріншек.
Еріншек егіншіден
Елгезек масақшы озады.
Еріншектің егіні піспес.
Еріншектің күні есінеумен өтеді.
Еріншектің ісі екі.
Жаман болатын жігіт, шегіншек келер,
Кедей болатын жігіт, еріншек келер.
Еріншектен мізбақпас туады.
Алма піс, аузыма түс.
Еріншек екпінді болмас.
Еріншекке бүгіннен ертең оңай.
Еңбексіз жалқау еріншек,
Көрінгеннен тілемсек.
Жалқау дәлелшіл келеді,
Жасқаншақ жыламсақ келеді.
Отырам деп, еріншек өлер,
Кісіге жақсылық қылам деп, көңілшек өлер.
Жә еріншек өлер, жә көңілшек өлер.
Еріншектің ерні жібімес,
Жалқаудың ісі маңдымас.
Еріншек адам - шегіншек,
Елгезек адам - еміншек.
Еріншек аулаға шықса да,
Ылау жалдайды.
Ер еңбегімен озады,
Еріншек езілумен тозады.