Нашақорлыққа қарсымыз
Айналама бір сәт назар аударайын,
Жанайқаймен шырқайын, айқайлайын.
Наша деген керексіз дүниенің,
Бір өзіне тоқталып топшылайын.
Қанша адамның өмірі қор болды ғой,
Қанша қыршын талайы қырылды ғой.
Бір татқаннан өзіне елітетін
Наша деген ең керексіз зат екен ғой.
Ей, адамзат ойланыңдар, ойланыңдар!
Нашаменен күн көруді доғарыңдар!
Нашақорлық жолында таба болған,
Арсыздардың қолында қор болмаңдар.
Айналада болып жатқан жағдайларды,
Көре тұрып шарасызбын, не қылайын!
Ұзын сөздің қысқасы топшылайын,
Бәріңізді бір төбеге шақырайын
Тойымсыз нашақорлыққа төтеп беріп,
Құтқарайық елімізді нығайтайық.
Өлеңімді осымен саралайын
Нашақорлыққа жол бермейік, ағайын!
Салауатты өмір салтын алға тартып,
Тек қана жақсылыққа бет бұрайық!