Жоқты бар десең – құт болар,
Барды жоқ десең – жұт болар.
Қанағат қарын тойғызар,
Қанағатсыз жалғыз атын сойғызар.
Тарта жесең, тай қалар,
Қоя жесең, қой қалар,
Қоймай жесең не қалар?!
Азды алмаған, көптен құр қалады.
Қанағат қылсаң, қарның тоқ.
Барға қанағат ет.
Қазаныңнан қақпақ кетсе,
Иттен қанағат кетер.
Өзім тойсам да көзім тоймайды.
Барына қанағат, жоғына сабыр.
Қарынбай малға тоймайды,
Лұқман жылға тоймайды.
Қанағат қарын тойғызады,
Қанағатсыздық жігіттің
Жалғыз атын сойғызады.