Жақсы әке жаман балаға,
Қырық жылдық ризық.
Шешеге қарап қыз өсер,
Әкеге қарап ұл өсер.
Ұстазыңды ұлы әкеңдей сыйла.
Әкең жақсы кісі еді,
Жел жағыңа пана еді.
Анаң жақсы кісі еді,
Жетімдерге ана еді.
Әкең өлсе өлсін,
Әкеңді көрген өлмесін.
Әкенің жақсылығы жездедей - ақ.
Жақсы әке жаман балаға,
Қырық жыл азық.
Әкеден безген ұл болмас,
Анадан безген қыз болмас.
Әкенің қадірін,
Балалы болғанда білерсің.
Сайына қарай — саласы,
Әкесіне қарай — баласы.
Әкеге баланың алалығы жоқ.
Әкесі бардың ырысы бар,
Інісі бардың тынысы бар.
Әке тұрып бала сөйлесе,
Ер жеткені.
Шеше тұрып қыз сөйлесе,
Бой жеткені.
Баласынан айрылған әке
Таяғына сүйенер.
Әкеден — ақыл,
Анадан — мейір.
Жылайын деген бала,
Әкесінің сақалымен ойнайды.
Әкемнің өлерін білсем.
Өнерін сатпас па едім.
Әкесі өлгенді де естіртеді.
Әкеңнің өлгенін жасырсаң, көмгенде қайтесің?
Әкесі құрдастың, баласы құрдас.
Ақымақ әкесін өлтіргенмен дос болады.
Адал туған бала –
Әкесіне пана.
Әкесінің ақшасына үйленген,
Әйелінің қадірін білмейді.
Жетесіз ұл әкесіне тіл тигізеді.
Әкесі тете атпаса,
Шешесі май сатпас еді.
Әкенің тоны шақ келсе,
Әкені бала жоқтамас.
Алпыстағы әкеңнің
Артық күшін пайдалан.
Бір әке отыз ұлды асырайды,
Отыз ұл бір әкені ауырсынады.
Білген жолыңды әкеңе де бер.
Әкеден ұл туса – игі,
Әкенің жолын қуса – игі.
Ұлдың ұяты – әкеге, қыздың ұяты – шешеге.
Әкесіне тартып ұл тумас,
Шешесіне қарап қыз тумас.