Бірігу арқылы жасалған есімдіктер туралы қазақша реферат
Есімдіктердің осындай жасалу жолында олардың белгілі бір түрі әр уақытта да сөздердің біріге жасалуында негіз болып тұрады. Осы негізде бір есімдік түбірден бірнеше біріккен тұлғадағы есімдіктер өрбіп жатады. Мәселен, бір еш сөзінен болымсыздық мәндегі бірнеше есімдіктер туындайды; ешкім, ешқайда, ешқандай, ешқашан, ештеме, ешнәрсе, ешбір.
Бірігу арқылы жасалған есімдіктердің құрылысына әлде есімдігі де себепші болады. Осы есімдіктің негізінде бірнеше белгісіздік есімдіктері туындап жатады: әлдебір , әлдекім, әлдеқайда, әлдеқайдан, әлдеқашан, әлдене, әлденеше ,
Осылар тәріздес белгісіздік есімдіктердің біріккен түбірінде әр есімдігі де ұйтқы сөзретінде айырықша қызмет атқарады: әрне, әркім, әрқайсы.
Есімдіктердің бірігу жолымен жасалған түрлері негізінен алғанда осылар.